निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमौली । भानु नगरपालिकामा दुई वटा मतदान केन्द्र थप गर्न सिफारिस गरिएको छ । नगरप्रमुख आनन्दराज त्रिपाठीको अध्यक्षतामा मंगलबार बसेको सर्वदलीय बैठकले दुई वटा केन्द्र थपका लागि मतदान स्थल निर्धारण समितिलाई सिफारिस गर्ने निर्णय गरेको हो ।
भानु नगरपालिका-३ तुरतुरेस्थित जनजागृति मावि र भानु नगरपालिका-४ खातीथोकस्थित शान्ति आधारभूत विद्यालयमा केन्द्र थपका लागि सिफारिस गर्ने निर्णय भएको नेकपा माओवादी केन्द्रका केन्द्रीय सदस्य ओमकुमारी पौडेलले जानकारी दिइन् ।
बैठकले नगरपालिकाभित्रका सबै मतदान केन्द्र भने यथावत राख्ने निर्णय गरेको छ ।
बैठकमा नेकपा एमाले भानु नगर सचिव देवबहादुर भुजेल, नेपाली कांग्रेस नगर सभापति रामकुमार श्रेष्ठ, नेकपा माओवादी नगर इन्चार्ज दिपक पन्त, नेकपा एसका अध्यक्ष ऋषिराम पन्त लगायतको सहभागिता थियो ।
सूचना: www.khabarpunja.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।
