निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
एजेन्सी । विश्वकप फुटबलअघि अर्जेन्टिनाले मैत्रीपूर्ण खेलमा युएई फराकिलो अन्तरले पराजित गरेको छ।
अर्जेन्टिनाले बुधबार राति भएको मैत्रीपूर्ण खेलमा घरेलु टोली युएईमाथि ५-० को जित निकालेकाे हाे।
अर्जेन्टिनाको जितमा एन्जल डी मारियाले दुई गोल गर्दा जुलियन अल्भारेज, लियोनल मेसी र जोआकिन कोर्रेयाले एक-एक गोल गरे।
युएईविरुद्ध अर्जेन्टिनाले पहिलो हाफमै चार गोल गरेको थियो। दोस्रो हाफमा थप एक गोल गर्याे।
कतार विश्वकप नोभेम्बर २० बाट सुरु हुँदै छ। विश्वकपमा अर्जेन्टिना समूह ‘सी’ मा रहेको छ।
यस समूहमा मेक्सिको, पोल्याण्ड र साउदी अरेबिया रहेका छन्। अर्जेन्टिनाले नोभेम्बर २२ मा साउदीसँग खेल्दै विश्वकपको सुरुवात गर्ने छ।
