दमाैली । तनहुँ १ (२) का प्रदेश सांसद हरिबहादुर चुमान गण्डकी प्रदेशको मन्त्रीमा नियुक्त भएका छन् । नेकपा माओवादी केन्द्रका संसदीय दलका नेता चुमानले सोमबार मन्त्री पदको शपथग्रहण गरेका हुन् । उनको जिम्मेवारी तोकिएको छैन ।
यसअघि पृथ्वीसुब्बा गुरुङको नेतृत्वमा चुमान आन्तरिक मामिला मन्त्री थिए । गण्डकी प्रदेश माओवादी केन्द्रको भागबण्डामा परेको भए चुमान मुख्यमन्त्री बन्न सक्थे । तर गण्डकी प्रदेश एमालेको भागमा परेपछि खगराज अधिकारी मुख्यमन्त्री बनेका छन् ।
एमालेबाट सीता सुन्दास र राप्रपाबाट पञ्चराम गुरुङले पनि सोमबार मन्त्री पदको शपथ लिएका छन् ।