निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
पोखरा । गण्डकी विश्वविद्यालयले आयोजना गरेको प्रथम कुलपति रनिङ सिल्ड फुटबल प्रतियोगिताको उपाधिका लागि कालिका माध्यमिक विद्यालय र भद्रकाली माध्यमिक विद्यालय भिड्ने भएका छन् । उपाधि होडमा यी दुई विद्यालय शुक्रबार पोखरा रंगशालाको फुटबल मैदान उत्रनेछन् ।
बिहीबार भएको पहिलो सेमीफाइलनमा भद्रकालीले इन्द्र राज्यलक्ष्मी माध्यमिक विद्यालयलाई ६–२ गोल अन्तरले पराजित गर्दै फाइनल यात्रा तय गरेको हो ।
भद्रकालीका अमित गुरुङले ह्याट्रिक गरे । उनले खेलको ३८ औं, ५५ औं र ५९ औं मिनेटमा गोल गरे । युक्त गुरुङ, अमिर गुरुङ र दिपेश गुरुङले १–१ गोल थपे ।
इन्द्रराज्यलक्ष्मीबाट दिनेश घर्तिमगरले २ गोल फर्काए पनि टिमलाई हारबाट जोगाउन सकेनन् । उनले ५ औं मिनेट र १८ औं मिनेटमा गोल फर्काएका हुुन् ।
दोस्रो सेमीफाइलनमा सहिद स्मृति आवसीय माध्यमिक विद्यालयलाई १–० गोल अन्तरले पराजित गर्दै कालिकाले उपाधि होडमा भद्रकालीसँगको भेट पक्का गरेको हो ।
कालिकाको जितमा तेजबहादुर गुरुङले गोेल गरे । खेलको ३१ औं मिनेटमा तेजले गरेको गोल नै जितमा निर्णायक बन्यो ।
प्रतियोगिताको विजेताले १ लाख र उपविजेताले ५० हजार रुपैयाँसहित ट्रफी र मेडल प्राप्त गर्नेछ । प्लेयर अफ द टुर्नामेन्टलाई ट्रफिसहित १० हजार रुपैयाँ प्रदान गरिनेछ ।
