निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमौली । गैडाकोटमा जारी गैडाकोट मेयर कप क्रिकेट प्रतियोगितामा तनहुँ फाइनलमा प्रवेश गरेको छ । आइतबार भएको खेलमा नवलपुरलाई पराजित गर्दै तनहुँ फाइनल प्रवेश गरेको हो ।
नवजागरण ग्रामीण विकास केन्द्रको आयोजनामा सञ्चालित प्रतियोगिताको फाइनलमा तनहुँले चितवनसँग प्रतिस्पर्धा गर्नेछ । फाइनल खेल सोमबार हुनेछ ।
तनहुँले यसअघि बागलुङलाई ७ विकेटले हराउदै सेमिफाइनलको यात्रा तय गरेको थियो ।
जिल्ला क्रिकेट संघ नवलपुर र गण्डकी प्रदेश क्रिकेट संघको प्राविधिक सहयोग र गैडाकोट नगरपालिका प्रवद्र्धक रुपमा रहेको प्रतियोगितामा कुल ८ टोली सहभागी छन् ।
प्रतियोगिताको विजेताले २ लाख नगद, मेडल, ट्रफी र प्रमाणपत्र पाउनेछन् भने उपविजेताले १ लाख ५० हजार नगद, मेडल, ट्रफी र प्रमाणपत्र पाउनेछन् ।
