निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमाैली । स्ववियु निर्वाचन अन्तर्गत तनहुँको आँबुखैरेनी क्याम्पसमा सत्तारुढ गठबन्धनले विजय हासिल गरेको छ । आइतबार भएको निर्वाचन अन्तर्गत अखिल (क्रान्तिकारी) को नेतृत्वको गठबन्धनले विजय हासिल गरेको हो ।
क्याम्पसको स्ववियु सभापतिमा अखिल (क्रान्तिकारी) का निशान मगर एक सय १६ मत प्राप्त गरी विजयी भएका छन् । प्रतिस्पर्धी अनेरास्ववियुका कृशल कंडेलले ७२ मत प्राप्त गरेका छन् ।
सचिवमा नेविसङ्घका बोनिस अधिकारी ७२ मत प्राप्त गरी विजयी भएका छन् । प्रतिस्पर्धी अनेरास्ववियुका सविता श्रेष्ठले ६१ मत प्राप्त गरिन् ।
कोषाध्यक्षमा अखिल (क्रान्तिकारी) का श्वेता थापा एक सय आठ मत प्राप्त गरी विजयी भइन् । प्रतिस्पर्धी अनेरास्ववियुका उज्ज्वल थापाले ६६ मत प्राप्त गरे ।
सदस्यहरुमा अखिल (क्रान्तिकारी) का अस्मिता श्रेष्ठ एक सय दुई, अर्पण देवकोटा एक सय सात र रविन कामी एक सय नौ मत प्राप्त गरी विजयी भए ।
प्रतिस्पर्धी अनेरास्ववियुका इन्दु अधिकारीले ४९, सुरज श्रेष्ठले ५६ र अमृत कट्टेलले ४६ मत प्राप्त गरेका छन् ।
दुई सय ६७ मतदाता रहेको निर्वाचनमा एक सय ९३ मत खसेको थियो ।
