निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । तनहुँको व्यास नगरपालिका–९ स्थित गजुरे स्वास्थ्य चौकी प्रमुख खुशीराम क्षेत्रीमाथि आक्रमण भएको भन्दै सुरक्षा माग गरिएको छ । नेपाल स्वास्थ्यकर्मी सङ्घ व्यास नगर समितिले जनस्वास्थ्य निरीक्षक क्षेत्रीलाई गएराति सोही ठाउँका ३० वर्षीय सन्तोष थापा लगायतका केही व्यक्तिहरुले मादक पदार्थ सेवन गरी आक्रमण गरेको भन्दै सुरक्षा माग गरिएको हो ।
सङ्घले आइतबार प्रमुख जिल्ला अधिकारी छविलाल रिजाललाई ज्ञापनपत्र बुझाउँदै क्षेत्रीमाथि साङ्घातिक आक्रमण गर्नेलाई पक्राउ गरी कानूनी दायरामा ल्याएर कारवाही गर्न माग गरेको छ ।
फर्जी मेडिकल रिपोर्ट बनाउन दबाब सिर्जना गर्ने र सो कार्य गर्न अस्वीकार गर्दा क्षेत्रीमाथि ढुङ्गा, मुढा र बियरको बोतल प्रयोग गरी आक्रमण गरिएको सङ्घकी अध्यक्ष लक्ष्मी गुरुङले जानकारी दिइन्। अमानवीय, निन्दनी र जघन्य किसिमका अपराध घटाउने प्रकृतिका कार्य गर्नेहरुलाई समाजमा दुर्गन्ध फैलाउन नदिन, कर्मचारीको जिउधनको रक्षा गर्न साथै विधिको शासन पालना गराउन माग गरिएको छ ।
