Khabar Punja

नवलपुर/गण्डकी प्रदेशको नवलपुरमा थप तीन जनामा कोरोना पुष्टि भएको छ । जनस्वास्थ्य प्रयोगशाला हेटौडामा गरिएको परीक्षण अनुसार देवचुली नगरपालिका दुई पुरुष र एक महिलामा कोरोना सङ्क्रमण पुष्टि भएको हो ।
थपिएकामध्ये ३७ र २४ वर्षीय पुरुष र ४० वर्षीया महिला रहेको स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो । उहाँका अनुसार सबै व्यक्तिहरुलाई आइसोलेशन कक्षमा लगिसकिएको छ । योसँगै गण्डकी प्रदेशमा कोरोना सङ्क्रमितको सङ्ख्या एक हजार तीन सय पाँच पुगेको छ ।
त्यस्तै गण्डकी प्रदेशमा कोरोना सङ्क्रमणबाट निको हुनेको सङ्ख्या एक हजार चार जना पुगेको छ ।