निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमाैली । तनहुँको आँबुखैरेनी गाउँपालिका–२ बाट खैरो हिरोइन सहित दुई जना पक्राउ परेका छन् । पक्राउ पर्नेमा झापाको कन्काइ नगरपालिका–३ बस्ने ३३ वर्षीय अनिरुद मिश्र र स्याङ्जाको पुतलीबजार नगरपालिका–१४ घर भई हाल पोखरा महानगरपालिका–१४ बस्ने ३९ वर्षीय यमबहादुर विक रहेको प्रहरीले जनाएको छ ।
मुग्लिनतर्फबाट आँबुखैरेनी आउँदै गरेको यात्रुवाहक बसलाई रोकी जाँच गर्ने क्रममा बसमा सवार मिश्रको साथबाट प्रहरीले २४ ग्राम पाँच सय ७० मिलीग्राम खैरो हिरोइन बरामद गरेको जिल्ला प्रहरी कार्यालय तनहुँका प्रहरी नायब उपरिक्षक मोहनबहादुर खाँणले जानकारी दिए ।
प्रहरीले सोही कार्यमा संलग्न रहेको अभियोगमा यमबहादुरलाई कास्कीबाट पक्राउ गरेको हो । उनीहरु विरुद्ध आज तनहुँ जिल्ला अदालतबाट म्याद थप गरी अनुसन्धान सुरु गरिएको छ ।
