निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । तनहुँ सदरमुकाम दमौलीमा दश दिनदेखि थुप्रिएको फोहर शुक्रबार उठेको छ । नगरपालिकाले गत माघ २ गतेदेखि नउठाएको नकुहिने फोहर आजदेखि उठाएको हो ।
नगरपालिकाले विशेषकारण भन्दै त्यसदिनदेखि नकुहिने फोहर उठाएको थिएन । कुहिने फोहर भने दिन बिराएर उठाउँदै आइएको थियो ।
व्यास नगरपालिकाका प्रवक्ता जीवन गुरुङले शुक्रबारदेखि नियमित रुपमा फोहर उठ्ने जानकारी दिए । बजार क्षेत्रबाट उठाइएको नकुहिने फोहर व्यास नगरपालिका–३ भतेरीमा फाल्ने गरिएको छ ।
नगरपालिकाले फोहर नउठाउँदा चोक–चोकमा फोहर थुप्रिएको थियो । फोहर नउठ्दा बजार दुर्गन्धित हुन थालेको थियो । फोहरमैला व्यवस्थापनका लागि नगरपालिकाले सधैं समस्या भोग्दै आएको छ ।
