निष्पक्ष र विश्वसनीय खबरको सँगालो 
Khabar Punja
१७ कार्तिक २०८१, आईतवार
दमौली। तनहुँको व्यास नगरपालिका–३ देउराली नगरको सेतीमादी घाट नजिक रहेको संरक्षणविहिन पाटी आइतबहादुर घलेले व्यक्तिगत खर्चमा पुननिर्माण र जीर्णोद्वार गरेका छन् । व्यास नगरपालिका-४ निवासी उनले आफ्नै खर्चमा उक्त पाटीको संरक्षण गरेका हुन् ।
दमौलीघाट जाने बाटोको छेउमा कलात्मक बुटाले कुदिएको जीर्ण अवस्थामा रहेको उक्त पाटी जीर्णोद्वारमा रु ८१ हजार ६ सय खर्च भएको घलेले बताए । राप्रपा व्यास नगरपालिकाका अध्यक्ष रहेका उनले वेवारिसे अवस्थामा रहेको पाटीलाई संरक्षण गर्नुपर्छ भनेर जीर्णोद्वार गरेको जानकारी दिए ।
उक्त पाटी विसं २००७ मा निर्माण भएको थियो । संरक्षणको अभावमा जीर्ण हुँदै गएको उक्त पाटीको मर्मत सम्भार गरि हेर्न र बस्न लायक बनाएको घलेले बताए ।
