निष्पक्ष र विश्वसनीय खबरको सँगालो 
Khabar Punja
७ आश्विन २०८१, मंगलवार
काठमाडाै । बाराको फेटा गाउँपालिका–४ चिलझपटीका आगलागी पीडितलाई बारा क्षेत्र नम्बर ४ का प्रतिनिधिसभा सदस्य कृष्णकुमार श्रेष्ठ (किसान) ले सहयोग गरेका छन् ।
आगलागीबाट चार घर जलेर नष्ट भएका पीडितलाई सांसद श्रेष्ठले खाद्यान्न र अत्यावश्यक सामग्री सहयोग गरेका हुन् । पीडितलाई आवास निर्माणका लागि सक्दो सहयोग गर्ने सांसद श्रेष्ठले प्रतिबद्धता जनाएका छन् ।
आफ्नो प्रतिकूल स्वास्थ्य स्थितिका कारण जनताको दुःखमा उपस्थित हुन नसकेकामा क्षमा माग्दै श्रेष्ठले स्वास्थ्य लाभ हुने बित्तिकै जनताको पीडामा थप मलम लगाउन उपस्थित हुने उल्लेख गरेका छन् ।
श्रेष्ठले भनेका छन्, “बारा जिल्ला फेटा गाउँपालिका वडा नम्बर–१ चिलझपटी गाउँमा गत बिहिबार आगलागीबाट चार घर जलेर नष्ट भएको घटनाले मर्माहत भएको छु । मेरै निर्वाचन क्षेत्रमा यति ठूलो घटना हुँदा पनि प्रतिकुल स्वास्थ्यस्थितिका कारण जनताको दुःखमा उपस्थित हुन नसक्दा झनै दुखित बनेको छु । यसका लागि क्षमाप्रार्थी छु । यद्यपि, जनताका पीडा मेरा पनि पीडा हुन् ।”
