Khabar Punja

दमाैली । नेकपा एमाले तनहुँकाे दशाै अधिवेशनमा उपसचिवमा पराजित भएपछि आरके पाेख्रेलले नवनिर्वाचित उपसचिव खिमबहादुर कुमाललाई बधाई दिएका छन् । सामाजिक सञ्जालमार्फत पाेख्रलले कुमाललाई बधाई दिँदै हारले विचलित नबनाउने बताएका छन् ।

उनले भनेका छन्, ‘संसार जित्न हिडेंको सिपाई हुं – मलाई साना साना ठक्करहरुले बिचलित बनाउने छैन उर्जा नै पैदा गर्ने गर्दछ ।’

पाेख्रेलले भनेका छन्

संसार जित्न हिडेंको सिपाई हुं – मलाई साना साना ठक्करहरुले बिचलित बनाउने छैन उर्जा नै पैदा गर्ने गर्दछ । पोखरीलाई समुन्द्र देख्ने बानी थिएन र छैन पनि त्यसैले मैदानमा उत्रिएको थिए, डमि भएर सजिनु भन्दा, क्रान्तिको सपना देख्नु नै उत्तम थियो ! पखेटा चलाउन जानेका पंक्षिहरु पनि असिना पानीका कारण कहिलेकाही उडान भर्न सक्दैनन्, हावा हुरि र असिनाकै कारण बास बसेका बचेराहरु पनि भुईमै खस्न सक्छन् तर संघर्ष गर्न छोड्दैनन् ! कसैको यथास्थिति भन्दा मेरो लागि अग्रगामी कदम नै उत्तम थियो त्यसैले निर्वाचनमा होमिएको थिए मलाई लागेको जति सबै सत्य नहुन सक्छ तर अधिवेशनलाई नजिकबाट नियाल्ने अवसर प्राप्त गरेको छु । राजनीतिमा सधैं संगै हिड्ने २ सिपाही मैदानमा देख्दा कसैलाई खल्लो पनि लागेको थियोे होला । म पौडी खेल्न चाहान्छु त्यसैले प्रतिस्पर्धामा भाग लिएको थिए । म किनारमा बसेर नदिको आंकलन गर्नुलाई उत्तम मान्ने प्रवृत्ति थिएन र छैन पनि- छातिमा आगो नबोकी अरुलाई तातो बनाउन सकिदैन भन्ने कुराको राम्रो ज्ञान छ मलाई !! यात्रि हुं निरन्तर यात्रा गरिरहने नै छु मलाई समग्र तनहुँको राजनीति सुधार गर्ने ठुलो धोको छ, समग्र तनहुँको राजनीतिमा काचुली फेर्न सक्नुपर्छ फेर्न सक्ने तागत हामीले नै निर्माण गर्नेछौं भन्ने आत्मविस्वास छ । म सदैव सधै संगै हिड्नेप्यारो मित्र खिम कुमाललाई हार्दिक बधाई दिन चाहान्छु हरिराज कंडेलको नेतृत्वले हिजोको दिनमा जस्तै भोलि पनि तनहुँलाई एमालेमय बनाउन लाग्ने छ भन्ने आशा र विस्वाश लिएको छु हार्दिक बधाई नव निर्वाचित सम्पूर्ण कम्रेडहरुमा !विशेष बधाई -प्यारो मित्र खिम कुमाल !!!