निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमौली । तनहुँको आँबुखैरेनी गाउँपालिका-४ बेनिटारस्थित सडकबाट अवैध लागूऔषध गाँजा १ किलो ५ सय ग्राम सहित २ जनालाई बिहीबार बिहान प्रहरीले पक्राउ गरेको छ ।
पक्राउ पर्नेहरूमा म्याग्दी बेनी नगरपालिका-४ घर बताउने २८ वर्षीय रविन परियार र स्याङ्जा अर्जुनचौपारी गाउँपालिका-६ घर बताउने २१ वर्षीय विजय नेपाली रहेका छन् ।
अस्थायी प्रहरी पोष्ट मुग्लिङ पुलजिपबाट खटिएको प्रहरीले मुग्लिङबाट आँबुखैरेनीतर्फ पैदल आउँदै गरेका उनीहरूलाई उक्त गाँजा सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
