निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
पोखरा । नेपाल यातायात व्यवसायी राष्ट्रिय महासंघ गण्डकीले गण्डकी प्रदेशमा आइतबारदेखि अनिश्चितकालका लागि सार्वजनिक सवारी बन्द आह्वान गरेको छ ।
प्रदेश सरकारले आफूहरुको मागको बेवास्ता गरेको भन्दै आइतबारदेखि सवारी ग्यारेजमै थन्काउने महासंघले घोषणा गरेको छ ।
महासंघ प्रदेश अध्यक्ष केदार पौडेलले आफूहरुको मागलाई बेवास्ता गरिएकाले आइतबारदेखि सवारी नचलाउने निर्णय भएको जानकारी दिए ।
राइड सेयरिङलाई कानुनी मान्यता दिन नहुनेसहित विभिन्न माग राखेर व्यवसायी गत बिहीबारदेखि आन्दोलित छन् । व्यवसायीले भौतिक पूर्वाधार विकास तथा यातायात मन्त्रालयमा ज्ञापनपत्र बुझाएका थिए । तर, मन्त्री राजीव गुरुङ (दीपक मनाङे) राइड सेयरिङलाई कानुनको दायरामा ल्याएर मान्यता दिने पक्षमा छन् ।
