निष्पक्ष र विश्वसनीय खबरको सँगालो 
Khabar Punja
१७ जेष्ठ २०८३, सोमबार
दमाैली । तनहुँको सदरमुकाम दमौली बजारमा भोलि मङ्गलबारदेखि छ दिन दैनिक सात घण्टा विद्युत अवरुद्ध हुने भएको छ । मुग्लिन पोखरा सडक विस्तार अन्तर्गत दमौली बजारमा सडक किनारमा नयाँ लाइन विस्तार गरी पुरानो संरचना हटाउने कार्यका लागि भोलि मङ्गलबारदेखि ३० गतेसम्म बिहान १० बजेदेखि साँझ ५ बजेसम्म विद्युत अवरुद्ध हुन लागेको हो ।
सडक विस्तारका क्रममा पोल गाड्ने काम भइरहेको र उक्त पोलमा नयाँ लाइन विस्तार गर्न व्यास नगरपालिका–१, २, ३, ४ र ५ को केही भागमा आवश्यकता अनुसार विद्युत अवरुद्ध हुने नेपाल विद्युत प्राधिकरण तनहुँ वितरण केन्द्रका प्रमुख विजय रेग्मीले खबरपुञ्जलाई जानकारी दिए ।
उनले भने, “दमौली फिडरबाट विद्युत आपूर्ति हुने ती ठाउँहरुमा आवश्यकता अनुसार विद्युत अवरुद्ध गरेर काम सुरु गर्न लागिएको छ । समयमै कार्य सम्पन्न भएमा वा मौसममा प्रतिकूलता भएमा, बन्द गर्नुनपर्ने अवस्थामा सो अवधिमा विद्युत सेवा सञ्चालन भइरहन सक्नेछ ।”
