निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
दमौली । तनहुँका तीन पालिकाका प्रमुख प्रशासकीय अधिकृतको सरुवा भएको छ । संघीय मामिला तथा सामान्य प्रशासन मन्त्रालयले देवघाट, ऋषिङ र भिमादका प्रमुख प्रशासकीय अधिकृतको सरुवा गरेको हो । यस्तै जिल्ला समन्वय अधिकारीको पनि सरुवा भएको छ ।
देवघाट गाउँपालिकाका प्रमुख प्रशासकीय अधिकृत गौरीप्रसाद आचार्यको स्वास्थ्य मन्त्रालय सरुवा भएको छ। देवघाटमा इश्मा गाउँपालिकाबाट दिनेश सारु आउनेछन् ।
ऋषिङ गाउँपालिकाका प्रमुख प्रशासकीय अधिकृत चिनबहादुर रानाभाटको गण्डकी प्रदेश मुख्यमन्त्री कार्यालय सरुवा भएको छ ।
भिमाद नगरपालिकाका मोहन मरासिनीको संघीय मामिला मन्त्रालयमा सरुवा भएको छ भने भिमादमा जिसस पर्वतबाट कमल पुन आउनेछन् ।
जिल्ला समन्वय अधिकारी प्रकाशराज पौडेलको जिसस मुस्ताङ सरुवा भएको छ भने तनहुँमा नेपाल ट्रष्ट कार्यालयबाट रोशन अर्याल आउनेछन् ।
