निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
काठमाडौं । अमेरिकी राष्ट्रपति डोनाल्ड ट्रम्पले अमेरिकामा कोरोना भाइरस (कोभिड-१९) कमजोर बन्दै गएको बताउनुभएकाे छ । उहाँले पछिल्लो एक सातामा अमेरिकामा कोरोना भाइरसका नयाँ सङ्क्रमितको संख्यामा ६ प्रतिशतको कमी आएको बताउनुभयाे ।
साथै ट्रम्पले अन्य धेरै मुलुकको तुलनामा अमेरिकाको अवस्था राम्रो रहेको बताउनुभयाे । अमेरिकी समाचार वेबसाइट एक्सिओससँगको अन्तर्वातामा उहाँले सङ्क्रमितको अनुपातमा हुने मृत्युको आधारमा अमेरिकाको अवस्था युरोपको भन्दा राम्रो भएको जानकारी दिनुभयाे ।
अमेरिकामा कोरोना भाइरसबाट मृत्यु हुनेको सङ्ख्या एक लाख ५५ हजार नाघेको अवस्थामा राष्ट्रपति ट्रम्पको यस्तो भनाइ आएको हो । अहिलेसम्म अमेरिकामा कोरोना भाइरसबाट सङ्क्रमित हुने मानिसको संख्या ४७ लाख नाघिसकेको छ ।
स्रोत : बीबीसी
