निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
काठमाडौं । श्रीलङ्कामा कोरोना भाइरस (कोभिड–१९) को महामारीको बीचमा बुधबार निर्वाचनको तयारी गरिएको छ । यो निर्वाचनको लागि सरकारले विशेष व्यवस्था पनि गरेको छ ।
बुधबार श्रीलङ्कामा २२५ संसदीय संसदको निर्वाचनको लागि सात हजार ४५० भन्दा धेरै उम्मेदवार मैदानमा छन् । यो निर्वाचनमा करिब एक करोड ६२ लाख मतदाताले आफ्नो मताधिकारको प्रयोग गर्नेछन् ।
करिब चार सय मतदाताले कोरोना भाइरसको सङ्क्रमणको कारण यो निर्वाचनमा भाग लिन सक्ने छैनन् । यद्यपि धेरैभन्दा धेरै मानिसले आफ्नो मताधिकारको प्रयोग गर्न सकून् भनेर व्यवस्था गरिएको छ ।
अस्पतालमा वा कोभिड सेन्टरमा १४ दिन क्वारेन्टिन पिरियड पूरा गरेका र अहिले होम क्वारेन्टिनमा बसेका मानिसहरुको लागि फरक मतदान स्थलको व्यवस्था गरिएको छ । निवार्चन आयोगका अध्यक्ष महिन्दा देशप्रियाले निर्वाचनको कारण कोरोना भाइरसको संक्रमण नबढ्ने बताएका छन् ।
स्रोत : बीबीसी
