निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमौली । युवा अभियान्ता सुदीप गफ्फारले बन्दीपुर गाउँपालिका-१ स्थित भंगेरी आधारभूत विद्यालयका २५ विद्यार्थीलाई स्वीटर र मोजा वितरण गरेका छन् ।
विपन्न विद्यार्थीलाई स्वीटर वितरण अभियान अन्तर्गत गफ्फारले सोमबार उक्त विद्यालयमा पुगेर सहयोग गरेका हुन् ।
तिहारमा देउसीभैलो खेलेर संकलित रकमबाट दुई सय विद्यार्थीलाई स्वीटर सहयोग गरिने लक्ष्य रहेको उनले जानकारी दिए ।
यो सहयोगले चिसोमा विद्यार्थी काम्दै विद्यालय आउनुपर्ने बाध्यताको अन्त्य हुने प्रधानाध्यापक टीकाराम गिरीले जानकारी दिए ।
गफ्फारले यसअगाडी व्यास नगरपालिका-११ मूलपानीस्थित चण्डिका आधारभूत विद्यालयका २४ विद्यार्थीलाई सहयोग गरिसकेका छन् ।
