निष्पक्ष र विश्वसनीय खबरको सँगालो 
Khabar Punja
६ आश्विन २०८१, सोमबार
पाेखरा । गण्डकी प्रदेशका तीन जिल्लामा शुक्रबार चार कोरोना सङ्क्रमित थपिएका छन् । स्याङ्जा, नवलपुर र कास्कीका चार पुरुषमा कोरोना सङ्क्रमण पुष्टि भएको गण्डकी प्रदेश स्वास्थ्य निर्देशनालयले जनाएको छ ।
स्याङ्जाको गल्याङ नगरपालिका–३ का २६ वर्षीय, नवलपुरको विनय त्रिवेणी गाउँपालिकाका ४४ वर्षीय पुरुष, पोखरा महानगरपालिका–२ र ८ का २० र ५१ वर्षीय पुरुषमा कोरोना पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो । शर्माका अनुसार सबैलाई आइसोलेशन कक्षमा लैजाने तयारी भइरहेको छ ।
योसँगै गण्डकी प्रदेशमा कोरोना सङ्क्रमितको सङ्ख्या एक हजार पाँच सय ७९ पुगेको छ भने निको हुनेको सङ्ख्या एक हजार तीन सय ८३ छ ।
