निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँकी एक युवतीको कोरोना सङ्क्रमणबाट निधन भएको छ । व्यास नगरपालिका-२ निवासी २० वर्षीया युवतीको कोरोना सङ्क्रमणबाट निधन भएको गण्डकी प्रदेश स्वास्थ्य निर्देशनालयले जनाएको छ ।
उनको त्रिवि शिक्षण अस्पताल महाराजगन्जमा उपचारको क्रममा मङ्गलबार निधन भएको स्वास्थ्य निर्देशनालयले बुधबार प्रेस विज्ञप्ती मार्फत् जनाएको छ ।
व्यास नगरपालिका-२ का वडाध्यक्ष काशीराम श्रेष्ठका अनुसार उनको डेढ महिनादेखि भरतपुरस्थित चितवन मेडिकल कलेजमा उपचार भईरहेको थियो । उनलाई भदौ १४ गते अल्कामा रिफर गरिएकाे थियाे । “अल्कामा कोरोना परीक्षण गर्दा पाेजिटिभ रिपोर्ट आएपछि त्रिविमा पठाईएको रहेछ । त्यहाँ अक्सिजन र भेन्टिलेटरको व्यवस्था नहुँदा ज्यान गयो,” मृतकको वुबाको भनाई उद्धृत गर्दै श्रेष्ठले भन्नुभयाे ।
ती युवतीमा भदौ १६ गते नै कोरोना पुष्टि भएको हो । यससँगे गण्डकी प्रदेशमा कोरोना सङ्क्रमणबाट मृत्यु हुनेको संख्या १५ पुगेको स्वास्थ्य निर्देशक डा. विनोदविन्दु शर्माले जानकारी दिनुभयो ।
फाइल तस्वीर
