निष्पक्ष र विश्वसनीय खबरको सँगालो 
Khabar Punja
११ श्रावण २०८३, मंगलवार
काठमाडौ, १२ साउन । अर्थमन्त्री डा. स्वर्णिम वाग्लेले सुनसरीमा भएको घटनालाई लक्षित गरी धार्मिक सहिष्णुता, सामाजिक सद्भाव र राष्ट्रिय एकतालाई अक्षुण्ण राख्न सम्पूर्ण दाजुभाइ तथा दिदीबहिनीहरूमा अपिल गरेका छन् ।
उनले कुनै पनि प्रकारका उत्तेजनात्मक गतिविधि, भ्रामक सूचना तथा साम्प्रदायिक सद्भाव खल्बल्याउने प्रयासबाट टाढा रहन सबैलाई आग्रह गरेका छन् । संयम, विवेक र आपसी सम्मानका साथ सामाजिक सद्भाव कायम राख्न सबै पक्षको सक्रिय सहयोग आवश्यक रहेको उनले उल्लेख गरेका छन् ।
डा. वाग्लेले शान्ति, सहिष्णुता र पारस्परिक सम्मान नै समाजको बलियो आधार भएकाले सबै नागरिकलाई जिम्मेवार र सचेत भएर सामाजिक एकता सुदृढ बनाउन योगदान गर्न आग्रह गरेका छन् ।
