निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
तनहुँ । तनहुँमा ८९ प्रतिशत काेराेना सङ्क्रमित उपचार पछि घर फर्किएका छन् । जिल्लाका विभिन्न स्थानीय तहमा उपचाररत १ सय ७६ जनामध्ये बुधबारसम्म १ सय ५८ जना निकाे भएर घर फर्किएका छन् । तनहुँमा गत जेठ १८ गते ऋषिङका एक युवामा पहिलाे पटक काेराेना पुष्टि भएकाे थियाे ।
जिल्ला स्वास्थ्य कार्यालय तनहुँका अनुसार अब जिल्लामा १८ जना काेराेना सङ्क्रमित उपचार छन् । जिपी काेइराला श्वासप्रश्वास उपचार केन्द्रमा १३ र बन्दीपुर अस्पतालमा ५ जना काेराेना सङ्क्रमितकाे उपचार भइरहेकाे छ ।
स्वास्थ्य कार्यालय तनहुँका प्रमुख शङ्करबाबु अधिकारीका अनुसार व्यास नगरपालिकास्थित आदिकवि भानुभक्त क्याम्पसबाट ५२, दमाैली अस्पतालबाट १३, शुक्लागण्डकी नगरपालिकास्थित जिपी काेइराला श्वासप्रश्वास उपचार केन्द्रबाट ६०, भीमादस्थित सिटिइभिटीबाट १३, बन्दीपुर अस्पतालबाट १८ र आँबुखैरेनीका एक जना पाेखरा र एक जना हाेम आइसाेलेशनबाट निकाे भएका छन् ।
जिल्लाकाे भानु नगरपालिकाका ११, व्यास नगरपालिकाका २५, शुक्लागण्डकी नगरपालिकाका १३, भीमाद नगरपालिकाका १२, म्याग्दे गाउँपालिकाका १२, घिरिङ गाउँपालिकाका २८, ऋषिङ गाउँपालिकाका ४५, देवघाट गाउँपालिकाका १, बन्दीपुर गाउँपालिकाका २३, आँबुखैरेनी गाउँपालिकाका ५ जना र जिपी काेइराला श्वासप्रश्वास उपचार केन्द्रका एक जनालाई काेराेना पुष्टि भएकाे थियाे ।
