निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
तनहुँ । तनहुँकाे आँबुखैरेनी गाउँपालिकाका एक कर्मचारीमा काेराेना पुष्टि भएकाे छ । पाेखरामा गरिएकाे परीक्षणमा गाउँपालिकाका एक उच्च तहकाे कर्मचारीमा काेराेना पुष्टि भएकाे हाे ।
साउन १४ गते स्वाब सङ्कलन गरी परीक्षण गरिएका उहाँकाे काेराेना रिपाेर्ट पाेजिटिभ आएकाे गाउँपालिकाका स्वास्थ्य शाखा प्रमुख अगमराज उपाध्यायले जानकारी दिनुभयाे । गाउँपालिकाले ९ जनाकाे स्वाब परीक्षणाका लागि पठाएकाे थियाे । तीमध्य ८ जनाकाे रिपाेर्ट भने नेगेटिभ आएकाे उपाध्यायले बताउनुभयाे ।
गाउँपालिका र वडा कार्यालय बन्द
कर्मचारीमा कोरोना पुष्टि भएपछि सम्पूर्ण सेवा बन्द गरिएको छ । आइतबार बसेको गाउँकार्यपालिकाको आकस्मिक बैठकले आजदेखि २० गतेसम्मका लागि गाउँपालिकाको कार्यालय तथा वडा कार्यालयबाट प्रदान हुने सम्पूर्ण सेवा बन्द गर्ने निर्णय गरेको हो ।
कोभिड–१९ सङ्क्रमणको असहज परिस्थितिलाई न्यूनीकरणका लागि कार्यालय परिसर जोखिम क्षेत्रमा देखिएको हुँदा उक्त निर्णय गरिएको प्रवक्ता कटकबहादुर थापाले जानकारी दिनुभयो ।
