निष्पक्ष र विश्वसनीय खबरको सँगालो 
Khabar Punja
१० असार २०८१, सोमबार
पाल्पा: अविरल वर्षासँगै घरमाथिबाट आएको पहिरोमा पुरिएर पाल्पामा ६ जना बेपत्ता भएका छन्। बिहीबार बिहान रम्भा गाउँपालिका २ फोक्सिङकोटस्थित बेलङ्जाका हुमबहादुर गाहा र मन बहादुर गाहाको घर पुरिदा ६ जना बेपत्ता भएका हुन् ।
बिहान करिब ४ बजेतिर गएको पहिरोमा परेर हुमबहादुर गाहा, उनकी श्रीमती धनिसरा गाहा, छोरी कृष्णा गाहा, नातिनिहरू आशिका गाहा र खुमिसरा गाहा बेपत्ता भएको प्रहरीले जनाएको छ ।
घटनास्थलमा अझै प्रहरी पुग्न सकेको छैन् । सदरमुकामभन्दा टाढा र विकट भएकाले सुरक्षाकर्मी पुग्न अझै समय लाग्ने जिल्ला प्रहरी कार्यालय पाल्पाका एसपी सन्तोष कुमार भट्टराईले जनाकारी दिनुभयो ।
प्रहरी नपुगे पनि स्थानीयले बेपत्ताको खोजी गरिराखेका छन् । यस्तै रम्भा गाउँपालिका वडानम्बर २ कै सुरुङडाँडामा पहिरोले घर पुरिँदा एक महिला बेपत्ता भएको गाउँपालिका अध्यक्ष विष्णुप्रसाद भण्डारीले जानकारी दिनुभयो ।
