निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
पोखरा : गण्डकी प्रदेशमा आइतबार ७१ कोरोना सङ्क्रमित थपिएका छन् । स्वास्थ्य निर्देशनालयले सार्वजनिक गरेको विवरण अनुसार कास्की, लमजुङ, बागलुङ र नवलपुरमा ७१ जनामा कोरोना सङ्क्रमण पुष्टि भएको हो ।
स्वास्थ्य निर्देशक डा. विनोदविन्दु शर्माका अनुसार कास्कीमा २१, लमजुङमा १६, बागलुङमा ३१ र नवलपुरमा ३ जनामा कोरोना पुष्टि भएको छ ।
योसँगै गण्डकी प्रदेशमा कोरोना संक्रमितको संख्या ३७४४ पुगेको छ |
कास्की जिल्ला, पोखरा महानगरपालिकाका-३ का २७ वर्षीय पुरुष र वडा नं १५ का ३८ बर्षीय पुरुष गरि २ जना नेपाल प्रहरीमा कार्यरत हुनुहुन्छ भने वडा नं ३ का अन्य ७ जना तेर्सापट्टिमा निर्माणाधीन अपार्टमेन्ट निर्माणका लागि काम गर्ने कामदार हुनुहुन्छ |
लमजुङ जिल्ला, मध्यनेपाल-६ का ३५ बर्षीय पुरुष स्थानीय स्कुलका शिक्षक हुनुहुन्छ | बाग्लुङ जिल्लाका धेरैजसो संक्रमित भारतबाट र केहि संक्रमित जापान, ओमान, दुबई, क्यानाडाबाट आई क्वारेन्टाइनमा बस्नुभएको छ |
