निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
तनहुँ : तनहुँको व्यास नगरपालिका–५ स्थित मादी नदीबाट अवैध रुपमा नदीजन्य पदार्थ उत्खनन् गरेको अवस्थामा प्रहरीले दुई वटा ट्याक्टर नियन्त्रणमा लिएको छ । मादी पुल नजिक पाँच सय मिटर नजिक पश्चिमतर्फको बगरबाट नदीजन्य पदार्थ उत्खनन् एवं लोड गर्दै गरेको अवस्थामा प्रहरीले दुई ट्याक्टर आइतबार नियन्त्रणमा लिएको हो ।
प्रहरी नायब उपरिक्षक युवराज तिमिल्सिनाका अनुसार ग १ त ४०६० र ना ७ त ३८०९ नं को ट्याक्टर नियन्त्रणमा लिइएको छ । नियन्त्रणमा लिइएका ट्याक्टरलाई आवश्यक कारवाहीका लागि व्यास नगरपालिका पठाइएको छ । प्रहरीले असोज २९ गते पनि सोही ठाउँबाट पाँच वटा ट्याक्टर नियन्त्रणमा लिएको थियो ।
