निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
काठमाडौं : सत्तारुढ दल नेपाल कम्युनिष्ट पार्टी (नेकपा) का दुई अध्यक्षबीच लामो समयपछि भेटवार्ता भएको छ । प्रधानमन्त्री निवास बालुवाटारमा शनिबार दिउँसो करिब दुई घण्टा भएको छलफलमा दुई अध्यक्षबीच पार्टी र सरकार सञ्चालनका विषयमा केन्द्रित भएको थियो ।
अध्यक्ष तथा प्रधानमन्त्री केपी शर्मा ओलीलाई भेट्न अर्का अध्यक्ष पुष्पकमल दाहाल प्रचण्ड दिउँसो करिब १ बजे बालुवाटार पुग्नुभएकाे थियाे । दुई अध्यक्षबीच कात्तिक ३ गते यता भेट भएको थिएन । बैठकमा प्रचण्डले पार्टी कमिटीबाटै समस्याको समाधान निकाल्ने गरि अगाडी बढ्न प्रधानमन्त्री ओलीलाई आग्रह गरेको बताइएको छ । उहाँले यसका लागि सचिवालय बैठक बोलाएर अगाडी बढ्न सुझाव दिनुभएकाे ५ ।
नेकपा नेता जनार्दन शर्मालाई कोरोना पोजेटिभ देखिएपछि आइसोलेसनमा बसेको बताउदै प्रचण्डले प्रधानमन्त्री ओलीसँग भेट गर्न नमाने बताइदै आएको थियो । दुई अध्यक्षबीच दुरी बढेपछि महासचिव विष्णु पौडेल, शंकर पोखरेल सुवासचन्द्र नेम्वाङ र प्रदीप ज्ञवालीले प्रचण्ड निवासमा पुगेर भेटवार्ताको वातावारण मिलाउनुभएकाे थियाे ।
