Khabar Punja

तनहुँ : सेवाग्राहीसँग घुस लिँदै गरेको अवस्थामा नेपाल विद्युत प्राधिकरण आँबुखैरेनी प्रशाखाका प्रमुख कृष्ण आले पक्राउ परेका छन् । अख्तियार दुरुपयोग अनुसन्धान आयोग पोखराबाट खटिएको टोलीले आलेलाई मङ्गलबार घुसरकम सहित पक्राउ गरेको हो ।

आयोग पोखराका प्रवक्ता मेघनाथ रिजालले आलेलाई कार्यालयबाटै रु पाँच हजार सहित पक्राउ गरिएको जानकारी दिनुभयो । सोमबार एउटा सवारीले आँबुखैरेनीस्थित सडक छेउमा बिजुलीको पोललाई ठक्कर दिएको र सोही मर्मत बापत आलेले थप रकम मागेको अख्तियारले जनाएको छ । रिजालले घटनाबारे थप अनुसन्धान भइरहेको जानकारी दिनुभयो ।