निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
एजेन्सी : पाराग्वेलाई सडन डेथमा ४-३ ले पराजित गर्दै पेरुले कोपा अमेरिकाको सेमिफाइनलमा स्थान पक्का गरेको छ ।
ओलिम्पिको फुटबल मैदामा शनिबार बिहान भएको खेल निर्धारित ९० मिनेट र अतिरिक्त समय ३-३ को बराबरीमा सकिएपछि खेलको निर्णय पेनाल्टी सुट आउटमा पुगेको थियो ।
पेनाल्टी सुटआउटमा पेरुका जियानलुका लापडुला, भिक्टोर योटुन र रेनाटो टापियाले गोल गर्दा स्याटियागो ओर्मिनो र क्रिस्टियन क्युभा भने चुके ।
पाराग्वेका लागि एन्जल रोमोरो, जुनियर अलोन्सो र रोबर्ट पेरिसले गोल गर्दा ब्रयान सामुडियो र हेक्टर मार्टिनेजले भने गोल गर्न सकेनन् ।
पेनाल्टी सुट आउट पनि ३-३ को बराबरीमा सकिएपछि खेलको निर्णय सडन डेथबाट लिइएको थियो ।
जसमा पेरुका मिगुइल ट्राउका सफल हँदा पाराग्वेका एल्बर्टो स्पिनोलाले भने गोल गर्न सकेनन् ।
खेलको ११ औँ मिनेटमा गुस्ताभो गोमेजले गोल गर्दै पाराग्वेलाई अग्रता दिलाएका थिए ।
२१ औँ मिनेटमा जियानलुका लापडुलाले गोल गर्दै पेरुलाई १–१ को बराबरीमा ल्याए । ४० औँ मिनेटमा लापडुलाले नै पेरुलाई २-२ को अग्रता दिलाए ।
पहिलो हाफको थप गरिएको समयमा पाराग्वे १० खेलाडीमा सीमित भयो । उसका गुस्ताभ गोमेज दोहोरो पहेँलो कार्ड बेहोर्दै मैदान छाड्न बाध्य बने ।
५४ औँ जुनियर अलोन्सोले गोल गर्दै पाराग्वेलाई २-२ को बराबरीमा ल्याए । ८० औँ मिनेटमा भिक्टोर योटुनले गोल गर्दै पेरुलाई ३-२ को अग्रता दिलाए ।
८५ औँ मिनेटमा पेरु पनि १० खेलाडीमा सीमित बन्यो । उसका अन्द्रे क्यारिलोले दोहोरो पहेँलो कार्ड बेहोरेका हुन् ।
९० औँ मिनेटमा गाब्रियल एभालोसले गोल गरेपछि खेल ३-३ को बराबरीमा सकिएको हो ।
पेरुले सेमिफाइनलमा ब्राजिल र चिलीबीचको विजेतासँग प्रतिस्पर्धा गर्नेछ ।
