निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
पहिलो चरणमा फैलिएको कोरोना भाइरसको जोखिमले पत्रपत्रिका प्रकाशन भएपनि पाठकको हात–हातमा पु¥याउन चुनौती थियो । पत्रपत्रिकाको विकल्प बन्दै थिए अनलाइन पत्रिका । घरमै बसेका ग्राहकलाई सुसुचित बनाउनु थियो । इन्टरनेटको पहुँचमा भएका पाठकलाई हर प्रहर खबर सम्प्रेषण गर्न तनहुँमा अनलाइन पत्रिकाको आवश्यकतालाई मध्यनजर गर्दै गत वर्ष आजकै दिन साउन ५ देखि हामीले खबरपुञ्ज डटकम सञ्चालनमा ल्याएका थियौँ ।
यो एक वर्ष हाम्रो लागि परीक्षा थियो । पास फेल छुट्याउने जिम्मा पाठक वर्गकै हो । यो अवधिमा हामीलाई रचनात्मक तवरले साथ दिने हाम्रा पाठकवर्ग, विज्ञापनदाता, सञ्चारकर्मी मित्रहरु, शुभेच्छुक, शुभचिन्तक सबैमा हार्दिक आभार प्रकट गर्दछौँ । गन्तव्य हाम्रो धेरै पर छ । सदैव तपाईहरुको साथ पाउने अपेक्षामा छौ । ‘निष्पक्ष र विश्वसनीय खबरको संगालो’ भन्ने मूल मन्त्रमा हामी जहिले केन्द्रित हुनेछौ । विकृति, विसंगति विरुद्धको खबरदारी हाम्रो मूल धर्म हो । निरन्तर तपाईसँगै हामी हुनेछौ खबर सम्प्रेषणको माध्यमबाट समाज रुपान्तरणको अभियानमा ।
– सम्पादक
