निष्पक्ष र विश्वसनीय खबरको सँगालो 
Khabar Punja
१५ बैशाख २०८१, शनिबार
काठमाडाै : नेपाली कामदारको आकर्षक गन्तव्य मानिएको दक्षिण कोरियामा २० महिनापछि कामदार पठाउने काम सुरु भएको छ । रोजगार अनुमति प्रणाली (इपिएस) अन्तर्गत भाषा र सीप परीक्षा उत्तीर्ण गरेका श्रमिकहरु कोरिया जाने गरेकामा २० महिनादेखि रोकिएको थियो ।
श्रम, रोजगार तथा सामाजिक सुरक्षामन्त्री कृष्णकुमार श्रेष्ठ किसानको विशेष पहलमा दक्षिण कोरियामा कामदार पठाउने काम सुरु भएको हाे । लामो समयदेखि रोकिएको प्रक्रिया खुलेपछि श्रमिकहरुमा खुसीको सञ्चार भएको छ ।
पहिलो चरणमा ४८ जना श्रमिकहरु भोलि बुधबार साँझ कोरिया जाँदैछन् । साँझ ७ बजेको उडानमार्फत कोरिया जाने श्रमिकहरुलाई दिउँसो ३ बजे मन्त्रालयका अधिकारीहरुले त्रिभुवन अन्तर्राष्ट्रिय विमानस्थलमा विदाइ गर्ने कार्यक्रम रहेको मन्त्री श्रेष्ठका प्रमुख स्वकीय सचिव जगत खड्काले जानकारी दिए ।
