निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमाैली । तनहुँको देवघाट गाउँपालिकाले वडा नम्बर ३ का वडाध्यक्ष एवं कार्यपालिका सदस्य किर्तीमान आलेको निधनमा शोक विदा दिने निर्णय गरेको छ । वडा कार्यालयबाट घर फर्किने क्रममा भिरबाट लडेर मृत्यु भएका आलेको शोकमा गाउँपालिकाले फागुन १६ गते शोक विदा दिने निर्णय गरेको हो ।
गाउँपालिका अध्यक्षस्तरीय निर्णयबाट शोक विदा दिने निर्णय भएको निमित्त प्रमुख प्रशासकीय अधिकृत गोविन्दप्रसाद पौडेलले जानकारी दिए । उक्त दिन गाउँपालिकाको कार्यालय र अन्तर्गतका कार्यालय बन्द रहने गाउँपालिकाले जनाएको छ ।
बिहीबार वडा कार्यालयबाट घर फर्किदै गर्दा भिरबाट खसेर मृत्यु भएका आलेको शव आज भेटिएको थियो ।
