निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । गोरखाको सहिद लखन गाउँपालिका–३ निवासी खुनमाया गुरुङले जन्मदिनको अवसर पारेर तनहुँको आँबुखैरेनी निवासी मिर्गौला पीडितलाई आर्थिक सहयोग गरेकी छन् । गुरुङले आफ्नो ४४ औ जन्मदिनको अवसर पारेर आँबुखैरेनी गाउँपालिका–१ सत्रसय निवासी मिर्गौला पीडित लोकबहादुर थापालाई दश हजार सहयोग गरेकी हुन् ।
विगत छ वर्षदेखि दुवै मिर्गौलाले काम गर्न छाडेको, मधुमेह र उच्च रक्तचापले समेत ग्रसित थापाको उपचारमा सहयोग पुगोस् भन्ने हेतुले आर्थिक सहयोग गरेको गुरुङले बताइन् ।
आँबुखैरेनी गाउँपालिकाकी उपाध्यक्ष पुष्पादेवी श्रेष्ठ, वडाध्यक्ष किसान थापा, सत्रसय आधारभूत स्वास्थ्य चौकीकी अनमी एवं खुनमायाकी छोरी स्वर्णिमा गुरुङ लगायतको उपस्थितिमा शुक्रबार उक्त रकम हस्तान्तरण गरिएको छ ।
थप
