Khabar Punja

दमाैली । राष्ट्रिय भूमि आयोग तनहुँले लगत सङ्कलन छुट भएकालाई समेटेर काम अगाडी बढाउने निर्णय गरेको छ । आयोगले पूर्णता पाएसँगै सोमबार बसेको पहिलो बैठकले लगत सङ्कलन छुट भएकालाई समेटेर मापदण्ड पूरा भएका पालिकामा काम सञ्चालन गर्ने निर्णय गरेको हो ।

गत फागुन २६ गतेदेखि ३५ दिनभित्र लगत छुट भएकालाई निवेदन दिन सूचना प्रकाशित भइसकेकाले सम्बन्धित वडा कार्यालयमा निवेदन दिन आग्रह गरिएको छ भने मापदण्ड पूरा भएका ठाउँमा काम अगाडी बढाउने निर्णय भएको आयोगका विज्ञ सदस्य श्रीराम कार्कीले जानकारी दिए ।