Khabar Punja

दमाैली । व्यास नगरपालिकाको आयोजनामा सञ्चालित मेयर उपमेयर कप फुटबल प्रतियोगिताको उपाधि सत्यवती माध्यमिक विद्यालयले जितेको छ । व्यास नगरपालिका–१ भादगाउँस्थित निर्मल माध्यमिक विद्यालयको खेलमैदानमा आइतबार सम्पन्न भएको फाइनल खेलमा निर्मल माध्यमिक विद्यालयलाई पराजित गर्दै सत्यवतीले उपाधि जितेको हो ।

छात्र छात्रा दुवैतर्फको उपाधिमा सत्यवती विजेता बनेको छ भने निर्मल माध्यमिक विद्यालय दुवै उपाधिमा उपविजेता बनेको छ ।

छात्र छात्रा दुवैतर्फको फाइनल खेलमा सत्यवतीले निर्मललाई २–१ गोल अन्तरले पराजित गरेको छ । छात्रतर्फ सत्यवती विगत तीन वर्षदेखि लगातार विजेता बन्न सफल भएको छ भने छात्रातर्फ दुई वर्षदेखि विजेता बनेको छ ।

प्रतियाेगिताका विजेताले नगद रु ३० हजार र उपविजेताले रु २० हजार प्राप्त गरेका छन् । प्रतियोगिताका विजेतालाई साेमबार पुरस्कार वितरण गरिएकाे छ । व्यास नगरपालिकाका प्रमुख वैकुण्ठ न्याैपाने र उपप्रमुख मीरा जाेशीले विजेतालाई पुरस्कार प्रदान गरे ।

चैत ३ गतेदेखि सुरु प्रतियोगितामा छात्रतर्फ १४ र छात्रातर्फ चार विद्यालयको सहभागिता थियो ।