निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
दमाैली । तनहुँ उद्योग वाणिज्य सङ्घको आयोजनामा चैत १० गतेदेखि सुरु हुने आठौ तनहुँ महोत्सवको तयारी ९० प्रतिशत पूरा भएको छ । व्यास नगरपालिका–३ विपी वनवाटिकामा सञ्चालन हुने महोत्सवको तयारी अन्तिम चरणमा पुगेको सङ्घले जनाएको छ ।
महोत्सव स्थलमा स्टल निर्माण, मञ्च निर्माण र रमाइलो मेलाका काम भइरहेको सङ्घका प्रथम उपाध्यक्ष इमकुमार मल्लले जानकारी दिए । रमाइलो मेलामा यसपटक नयाँ आकर्षणको रुपमा टिकटक पार्क पनि निर्माण गरिनेछ ।
विभिन्न जातजातिका कलासंस्कृति झल्किने पाँच वटा जनजातिका घर निर्माण गरिने मल्लले जानकारी दिए । महोत्सव अवधिभर दैनिक रुपमा स्वास्थ्य शिविर सञ्चालन गरिनुका साथै एम्बुलेन्स तयारी अवस्थामा राखिनेछ ।
मङ्गलबार महोत्सवका सल्लाहकार समितिको बैठक बसी महोत्सवका तयारीका बारेमा छलफल गरेको थियो ।
