निष्पक्ष र विश्वसनीय खबरको सँगालो 
Khabar Punja
२३ चैत्र २०८१, सोमबार
दमाैली । तनहुँ जिल्ला अदालतले नाबालिगलाई जबरजस्ती करणीको अभियोगमा नायक पल शाहलाई पुर्पक्षका लागि थुनामा पठाउने आदेश दिएको छ । जिल्ला न्यायाधीश हरिशचन्द्र ढुङ्गानाको आजको इजलासले शाहलाई पुर्पक्षका लागि थुनामा पठाउने आदेश दिएको हो ।
सोही मुद्दामा मतियारका रुपमा रहेका शाहका म्यानेजर भनिएका कृष्ण जोशीलाई एक लाख धरौटीमा रिहा गर्ने आदेश भएको जिल्ला अदालतका श्रेस्तेदार मिनबहादुर कुंवरले जानकारी दिए । जोशी बिहीबार साँझ नै धरौटी बुझाएर रिहा भएका छन् ।
नाबालिगलाई जबरजस्ती करणीको अभियोगमा तनहुँ अदालतमा मुद्दा दर्ता भएपछि नायक पल शाह विरुद्ध दुवै पक्षबाट बहस गरिएकाे थियाे । जाहेरीवालाका तर्फबाट बुधबार नै बहस गरिएको थियो भने प्रतिवादीका तर्फबाट बिहीबार अदालतमा बहस भएको थियाे ।
बिहीबार प्रतिवादीका तर्फबाट १२ जना कानून व्यवसायीले बहस गरेको अधिवक्ता भानुभक्त सुवेदीले जानकारी दिए । बहसका क्रममा उठेका प्रश्नमाथि बिहीबार जिल्ला न्यायाधीवक्ताले जवाफ समेत दिएका छन् ।
