Khabar Punja

दमौली । पुर्कोट सेवा समाज दोहा कतारले भानु नगरपालिकाका तीन जनालाई आर्थिक सहयोग गरेको छ। पुर्कोट घर भई कतारमा रहेका व्यक्तिहरुको संस्था पुर्कोट सेवा समाज दोहा कतारले तीन जनालाई २०/२० हजार सहयोग गरेको हो ।

भानु-८ देउरालीटारका सुरेश श्रेष्ठ, सोही वडा मगरगाउँकी अन्जु थापा मगर र भानु-९ खहरेकी इशा श्रेष्ठलाई जनही २० हजारका दरले आर्थिक सहयोग गरेको संस्थाका सल्लाहकार रेशम तामाङले जानकारी दिए ।

सुरेश श्रेष्ठ मुटुरोगी हुन् भने अन्जु थापा र इशा श्रेष्ठ मिर्गौला पीडित हुन् । पुर्कोट सेवा समाज दोहा कतारले जिल्लाका विपन्न वर्गलाई सहयोग गर्दै आइरहेको छ ।