निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । खोलाले बगाएर घाइते तनहुँको व्यास नगरपालिका–११ शेरा निवासी चार वर्षीया बालिका युविना थापा मगरको उपचारका लागि व्यास नगरपालिकाले आर्थिक सहयोग गरेको छ । गत असार २ गते बुल्दीखोलाले बगाएर पाठेघरमा काठको टुक्रा पसेपछि उपचाररत बालिकाको सहयोगार्थ नगरपालिकाले रु ५० हजार आर्थिक सहयोग गरेको हो ।
पोखरास्थित फिस्टेल अस्पतालमा उपचार गराइरहेकी बालिकाको शल्यक्रियाका लागि नगरपालिकाले उक्त आर्थिक सहयोग गरेको हो ।
यसैगरी नगरपालिकाले व्यास नगरपालिका–४ स्थित वेदव्यास प्राविमा अध्ययनरत सात वर्षीय विप्लव परियारलाई पनि सहयोग गरेको छ । विद्यालयको खेलकुद क्रियाकलापमा सहभागी हुँदा गोडा भाँचिएर घाइते परियारलाई सहयोग गरिएको नगरप्रमुख वैकुण्ठ न्यौपानेले जानकारी दिए । हाल विपद्जन्य घटना बढ्दै गइरहेकाले स्वयंम रहन र विपद्को घडीमा एक आपसमा सहयोगी भावनाले अगाडी बढ्न नगरप्रमुख न्यौपानेले आग्रह गरे ।
सोही वडाको बसन्त आधारभूत विद्यालयमा कक्षा नर्सरीमा अध्ययनरत थापाको खोलाले बगाउँदा गत असार २ पाठेघरमा काठको टुक्रा पसेको थियो । बालिकाको शल्यक्रियाका लागि आर्थिक अभाव भएपछि परिवारले सहयोगको अपिल गरेको छ ।
बालिकाको उपचारार्थ आमा छुनुमाया थापाको नाममा एनएमबी बैङ्क लेकसाइड शाखामा खाता खोलिएको छ । सहयोग गर्न चाहनेले १४९०१८८२८५००००१९ खाता नम्बरमा सहयोग गर्न आग्रह गरिएको छ ।
