निष्पक्ष र विश्वसनीय खबरको सँगालो 
Khabar Punja
१९ मंसिर २०८१, बिहीबार
आँबुखैरेनी । तनहुँको आँबुखैरेनी गाउँपालिका–३ स्थित कुडुले घाटमा अवैध रुपमा नदीजन्य पदार्थ उत्खनन् गरेको अभियोगमा गाउँपालिकाले मेसिन नियन्त्रणमा लिएको छ । गाउँपालिकाका अध्यक्ष शुक्र चुमानको नेतृत्वमा गरिएको स्थलगत अनुगमनका क्रममा अवैध रुपमा नदी दोहन गरेको भेटिएपछि मेसिन नियन्त्रणमा लिएर जरीवाना गराइएको छ ।
मुग्लिन–पोखरा सडक आयोजनाको स्काभेटर प्रयोग गरी नदी दोहन गरिरहेको अवस्थामा भेटिएपछि मेसिन नियन्त्रणमा लिएर ३० हजार जरीवाना गराइएको अध्यक्ष चुमानले जानकारी दिए । “नदी दोहन गरिरहेको भन्ने गुनासो आएपछि तत्कालै स्थलगत निरीक्षणमा गएका थियौ,” उनले भने ।
