निष्पक्ष र विश्वसनीय खबरको सँगालो 
Khabar Punja
२५ मंसिर २०८१, बुधबार
दमाैली । व्यास नगरपालिका-१ भादगाउँस्थित आदिकवि भानुभक्त क्याम्पसका अखिल क्रान्तिकारी इकाइ अध्यक्ष निर्दाेष भट्टराईले चैत ५ गते नै स्ववियु निर्वाचन हुनुपर्ने बताएका छन् । भट्टराईले शुक्रबार बिहान क्याम्पसमा आयाेजित कार्यक्रममा उक्त कुरा बताएका हुन् ।
क्याम्पस प्रशासनले शुक्रबार दिउँसाे विज्ञप्ती जारी गरी अर्काे सूचना नभएसम्मका लागि निर्वाचन स्थगित गरेकाे छ ।
भट्टराईले चैत ५ गते चुनाव नभए प्रतिकार गर्ने बताए । “कसरी हुन्छ क्याम्पस प्रशासनले चुनाव गरेर देखाओस्, नभए क्याम्पस प्रशासनका कर्मचारीलाई कहाँ कसरी निमाेठेर ल्याउनुपर्छ हामीलाई पनि थाहा छ,” उनले भने । भट्टराईले क्याम्पसलाई राजनीति गर्ने थलाे नबनाउन आग्रह गरे ।
भट्टराईले विद्यार्थीकाे भविष्यमाथि खेलबाड हुन नदिने बताउँदै अराजक तत्व क्याम्पसमा आए लखेट्ने चेतावनी दिए ।
भट्टराई नेविसङ्घ प्यानलमा सदस्य पदका उम्मेदवार हुन् । उक्त प्यानलबाट गाैरव पन्थ सभापति उम्मेदवार हुन् ।
