निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
काठमाडौ । लियोनेल मेसीको ह्याट्रिकप्रेरित अर्जेन्टिनाले मैत्रीपूर्ण खेलमा बुधबार बिहान कुरासाओलाई ७–० गोलको नतिजामा पराजित गरेको छ। अर्जेन्टिनामै भएको खेलको २०, ३३ र ३७ मिनेटमा गोल गर्दै मेसीले १७ मिनेटको फरकमा ह्याट्रिक गरे।
फिफा वरियताको ८७ औं स्थानमा रहेको कुरासाओमाथि हाबी बनेको अर्जेन्टिनाका लागि निकोलस गोन्जालेज, एन्जो फर्नान्डेज, एन्जल डी मारिया र जोन्जालो मोन्टियलले एक–एक गोल गरे।
गत डिसेम्बरमा विश्वकप विजेता बनेको अर्जेन्टिना फिफा वरियताको दोस्रो स्थानमा छ। वर्षको पहिलो फिफा विन्डोमा अर्जेन्टिनाले पहिलो खेल पानामासँग खेलेको थियो।
मार्च २३ मा भएको त्यो खेलमा अर्जेन्टिना २–० ले विजयी भएको थियो। अर्जेन्टिनाले अगामी मैत्रीपूर्ण खेल जुनमा क्यामरुनविरुद्ध खेल्ने छ।
