निष्पक्ष र विश्वसनीय खबरको सँगालो 
Khabar Punja
२५ मंसिर २०८१, बुधबार
पोखरा । गण्डकी प्रदेशमा स्वतन्त्र निर्वाचित भएर नेकपा एकीकृत समाजवादी प्रवेश गरेका राजीव गुरुङ (दिपक मनाङे) मन्त्री बन्ने रेशबाट आउट हुँदा नेपाली कांग्रेसका जीतप्रकाश आले मन्त्री बन्ने पक्का भएको छ । उनी तनहुँ २ (ख) बाट निर्वाचित भएका हुन् ।
मुख्यमन्त्रीले फोन गरेपछि सपथ लिन जान लागेको आलेले बताए । ४ बजेपछि नयाँ मन्त्रिको सपथ हुँदैछ । दिपक मनाङे मन्त्री बन्ने चर्चा भइरहँदा मुख्यमन्त्री सुरेन्द्रराज पाण्डेले इच्छा देखाएका थिएनन् । नेपाली कांग्रेस तनहुँका सभापति समेत रहेका आले राष्ट्रपति रामचन्द्र पौडेल निकट मानिन्छ । राष्ट्रपति पौडेलकै इन्ट्रेस्टमा उनी मन्त्री बन्न लागेका हुन् ।
कांग्रेसबाट आलेसँगै नवलपूरका महेन्द्रध्वज जिसी र बाग्लुङका दीपेन्द्रबहादुर थापा मन्त्री बन्दैछन् । नेकपा माओवादी केन्द्रबाट म्याग्दीका रेशमबहादुर जुग्जाली दोहोरिदैँ छन् ।
