निष्पक्ष र विश्वसनीय खबरको सँगालो 
Khabar Punja
२३ पुष २०८१, बुधबार
दमौली। व्यास नगरपालिका वडा नम्बर २ स्थित शिवकालिका बचत तथा ऋण सहकारी संस्था लिमिटिेडले प्रेस युनियन तनहुँ शाखाका नवनिर्वाचित पदाधिकारीलाई आइतबार एक कार्यक्रमको आयोजना गरी सम्मान गरेको छ ।
युनियन तनहुँ शाखाको आठौं अधिवेशनबाट अध्यक्षमा निर्वाचित गोरा मिया, उपाध्यक्ष पूर्ण विके, सचिव उपेन्द्र खनान, कोषाध्यक्ष एलोज श्रेष्ठ र सहसचिव शीला वाग्लेलाई सहकारी संस्थाका अध्यक्ष पूर्णबहादुर खड्का, सहकारीका पुर्व अध्यक्ष मुमराज वंशीठकुरी, लेखा समिति संयोजक विष्णुभक्त न्यौपाने र सचिव दिपक न्यौपाने लगायतले खादा, अविर सहित सम्मान गरेका हुन् ।
समुन्नत समाज र प्रेस स्वतन्त्रताको लागि प्रेस युनियनको योगदान अहम् रहेकोले आफूहरुले युनियनका नवनिर्वाचित पदाधिकारीलाई सम्मान गरेको सहकारी संस्थाका अध्यक्ष खड्काले बताए । समाजमा विकृति, विसंगति र भ्रष्टाचारको विरुद्ध कलम चलाउन पत्रकार डराउन नहुने समेत अध्यक्ष खड्काले बताए ।
सहकारी संस्थाले समेत सम्मान गर्नुले पत्रकारिता कर्मप्रति आफूहरुको जिम्मेवारी बढेको महशुस भएको नवनिर्वाचित अध्यक्ष मियाले बताए ।
