निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमौली । जिल्लामा सामाजिक कार्यमा सकृय रहेको टिम नेपो तनहुँको शनिबार दमौलीमा पदस्थापना सम्पन्न भएको छ । वर्ष २०२२/२३ का अध्यक्ष रवि अधिकारीले वर्ष २०२३/२४ को अध्यक्ष पवित्रा भुजेललाई पदस्थापना गराए ।
भुजेल टिप नेपो तनहुँमा पहिलो महिला अध्यक्ष हुन ।कार्यक्रममा टिप नेपो गण्डकी प्रदेश संयोजक प्रवेश पण्डितले वर्ष २३/२४ की अध्यक्ष भुजेललाई सपथ ग्रहण गराएका थिए । पण्डितले आगामी वर्षमा पनि संस्थाले सामजिक कार्यलाई जोड दिदै अघि बढनुपर्ने बताए ।
टिम नेपो बागमती प्रदेश संयोजक सृष्टि पौडेलले संस्था मार्फत समाजमा आफ्नो पहिचान बनाउन सकिने बताइन् । क्लबका अध्यक्ष भुजेलले आफ्नो कार्यकालमा गर्ने कार्यक्रमहरु प्रस्तुत गरिन ।
वर्ष २०२२/२३ का अध्यक्ष अधिकारीको सभापतित्वमा सम्पन्न उक्त कार्यक्रममा पूर्व अध्यक्ष मिन कुवर, बोर्ड सदस्य उमेश पौडेल लगायतले बोलेका थिए ।
