निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । नेपाल कम्युनिष्ट पार्टी(माओवादी केन्द्र)ले सुरु गरेको ‘जनतासँग माओवादी विशेष रूपान्तरण अभियान’ अन्तर्गत शुक्लागण्डकी नगर कमिटीका माओवादीका नेता तथा कार्यकर्ताहरु बिहीबार सहिद पार्कमा श्रमदानमा जुटेका छन् ।
माओवादीका नेता कार्यकर्ताहरुले शुक्लागण्डकी-२ स्थित सहिद पार्कमा सरसफाई तथा श्रमदान गरेको नगर कमिटी अध्यक्ष मनराज गुरुङले जानकारी दिए ।
अभियानका क्रममा देशका अन्य क्षेत्रमा समेत माओवादीले यस प्रकारको विभिन्न सामाजिक तथा रचनात्मक कार्यहरु गर्दै आएका छन् । माओवादीले गत भदौ १६ गतेदेखी देशभर एकसाथ जनतासँग माओवादी रुपान्तरण अभियान सञ्चालन गरेको छ । अभियान मंसिर १६ गते सकिदैछ ।
