निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
नवलपुर । गैडाकोटमा स्कुल बसको ठक्करबाट एक जनाको मृत्यु भएको छ भने एक जना घाइते भएका छन् । गैडाकोट नगरपालिका-५ स्थित सरस्वती चोकमा बालविकास स्कुलको ना ४ ख १०४१ नम्बरको बसले बा ९३ प ९२०२ नम्बरको स्कुटरलाई ठक्कर दिँदा सो दुर्घटना भएको हो ।
जिल्ला प्रहरी कार्यालय नवलपुरका डिएसपी बेदबहादुर पौडेलका अनुसार दुर्घटनामा पर्वत फलेवास घर भएर भरतपुर महानगरपालिका-२१ बस्ने ६८ वर्षकी पावर्ती पौडेलको मृत्यु भएको हो ।
यसैगरी स्कुटर चालक गैडाकोट नगरपालिका-५ की २० वर्षकी आशिका सापकोटा घाइते भएकी छन् । घाइते सापकोटाको नयाँ मेडिकल कलेज भरतपुरमा उपचार भइरहेको छ । ठक्कर दिने बसका चालकलाई प्रहरीले नियन्त्रणमा लिएको छ ।
