निष्पक्ष र विश्वसनीय खबरको सँगालो 
Khabar Punja
७ जेष्ठ २०८१, सोमबार
दमौली । नेकपा एमाले तनहुँको शुक्रबारदेखि सुरु हुने दशौ जिल्ला अधिवेशनमा ५८७ प्रतिनिधि सहभागी हुने भएका छन् । नयॉ नेतृत्व चयनका लागि हुन लागेको अधिवेशनमा आयोजक कमिटी सहित ५८७ प्रतिनिधि सहभागी हुन लागेका हुन् ।
बिहीबार बसेको पार्टीको अन्तिम कमिटी बैठकले २८ जना प्रतिनिधि मनोनित गरेको जिल्ला अध्यक्ष श्रीप्रसाद श्रेष्ठले जानकारी दिए । उनले भने, ‘वडा र आयोजक कमिटी समेत गरी ५६९ प्रतिनिधि छनोट भएकामा २८ जना प्रतिनिधि मनोनित गरिएको छ ।’
अधिवेशनको पार्टीका महासचिव शंकर पोख्रेलले उदघाटन गर्ने कार्यक्रम रहेको छ । कार्यक्रममा सचिव गोकर्ण विष्टको समेत उपस्थिति रहनेछ ।
अधिवेशनको सबै तयारी सकिएको एमालेले जनाएको छ ।
